大家對幼稚園老師其中一個誤會
就係好多假期！
先唔講多定少
依家想講嘅係：
無論多定少假期
最大問題係好___難請假
近呢2日 我返工果時不停背後鬧我老公
（全個職員室冇人唔知我最中意鬧我老公🥰）
因為我請假都係為左佢 😤
幼稚園老師請假嘅困難
1）男朋友/老公好難遷就到 請黎都冇用
2）紅日前前後後 唔請得
3）學校有活動唔請得
3）開學頭3個月唔請得
4）同事請左唔請得
5）唔夠人唔請得
6）唔夠假期 冇得請😂
7）突然有活動 唔比請呀！
8）唔中意你！唔比你請呀！
😂😂😂😂😂😂😂😂😂😂😂
最後果關：
校長唔批你 咁你都係死左條心🤭
所以呢
辛苦幼稚園老師嘅另一半
願意陪我地捱貴機票去旅行🥰
體諒我地啦😭😭😭
請假唔難
想連放幾日去個淡季旅行真係好難
辛苦工作賺到嘅錢錢都係想開心下咋嘛！
題外話！
聽日小一放榜💪🏻準備好未？
祝各位小朋友入到適合你嘅學校
好好享受6年嘅小學生活👶🏻
Search